يوم وصلني الى لبنان خبر زواج أخي الاكبر أنطوان بعيني في مدينة ملبورن الأسترالية على جارتنا تريز أنيسة 1967
ـ1ـ
أنا بلبنان.. يا ملبورن قوليلو
صعبه الخي ننسالو جميلو
إبن سركيس يا فرحة شبابو
بعتم الهجر عم تضوي قناديلو
ـ2ـ
كبير البيت.. رح توقف ع بابو
شمس الكون، تا تشع مقابيلو
تريز بجيرتو رفعت عتابو
وبضحكة سنها بتطفي غليلو
ـ3ـ
حبّا كتير.. تا الايام شابوا
وهديها قلب ما بيخلق مثيلو
أخي أنطون عم يكتب كتابو
ع بنت الجار.. يا شعري حكيلو:
أحلى تنين من يوم اللي غابوا
دمع الأرز ما بيوقف عويلو
**