يوم وصلني من من لبنان خبر زواج أخي ميشال من ابنة عمتي تراز اليموني في جزيرة قبرص 1976
ـ1ـ
يا قبرص ليش دمعاتي سخيّه
وليش القلب دقّاتو قويه
بأرضك.. زيّني الساحات عنّي
يا جاره.. وبوّسي ميشال خيي
ـ2ـ
كمان بحلفك "تروز" هنّي
ومن الازهار نقيلن هديه
وخلي الطير بـ عرسن يغنّي
بيّا جورج والعمه الهنيه
ـ3ـ
فرحانين.. يا أفراح جنّي
بفرحة بنت محبوبه ورضيه
وبيي قال للكنه : تمني
مرت الخال بتغطّي عليي
ـ4ـ
يا بترونله ع الشمس حنّي
من ارض برسا بتنسمى هيي
ويا بنت "مالبورن" مش رح بتني
إنتي وميشو بقلبنا سويه
ـ5ـ
وهالكم كلمه بتسمعي مني:
مش رح تكوني بنت أختي بس
بنتي أنا.. ومبروك يا كنّه
**