يوم وصلني من لبنان خبر زواج أخي جوزاف بعيني من ابنة سيدني فيرونيكا البحري 3/9/1972
ـ1ـ
جوزاف خيي عم يتزوج
مار يوسف فرحان كتير
بضيعتنا في دير مسيّج
بقلبو الفرحه عم بتصير
ـ2ـ
فرونيكا البحري يا ناس
بتشهدلا سيدني كلاّ
لمّن وقفت بالقداس
باركها بإيدو ألله
سركيس بيي علاّ الراس
وقللاّ لإمي بعرس الحب
غنّي يا بترونلّه
ـ3ـ
جوزاف خيي رفيق الدرب
من يوم اللي كنّا زغار
تا يتهنّا.. سألت الربّ
والفرحه بقلبي قنطار
تمنيت حدّو أوقف شب
ونترافق هوّي وختيار
عريس كتير بينحب
يا ضيعتنا دقّي طبول
ويا سيدني رشّي الازهار
**