إلى العروسين جوردن وميشيل.. 20 آذار 2022
جوردن وقت ما شافك.. استحلى
يجيب الشمس ع البيت.. تا جابك
إنتي العروس الشرّفت أهلا
إنتي الحلا مكتوب بكتابك
بعرس المحبّه ضحكتك أغلى
بالحب جوردن شرّع بوابك
لأهل العريس بقول يا أهلا
بإسمي.. بإسم أهلك وأصحابك
ميشيل إنتي من الورد أحلى
بيّك وإمّك زيّنوا عتابك
بطلبات.. بصلاوات ع شكلا
ما بينوجد.. تا تبارك شْبابك
عيلة أنيسه.. المجد يندهلا
عيله عظيمه فرحت بعرسك
وبمجدليا زلغطوا حبابك