عرس ماريان أنيسة وايلي قزي 6/10/2024
ـ1ـ
يا مجدليا.. بصهرك اعتزي
إيلي وماريان حبّوا بعض
وبالقلب سكنت عيلة القزي
قزّي وأنيسة زيّنوا هالأرض
ربوا عيال بحب مكتنزه
وقلوب ما عرفت شو يعني البغض
بالمغترب رفعوا لوى الأرزه
وحب الوطن عملوه أجمل فرض
ـ2ـ
كرلوس وليليان ربّوا بنت
بيوعى الفجر ع شطوط عينيها
لو بالدهب بنت الوحيده زنت
ما في دهب رح يتقل عليها
كرمال عينا بالشعر زيّنت
أحلى عرس.. من فرحتي يا ناس
رشّيت ورد الطهر ع جريها
ـ3ـ
وطانيوس بي العريس الكان
يحلم بـ فرحة إبن بالهجران
الليله الحلم أجمل حقيقه صار
بمشلح حنانو لفلف العرسان
والست هدى اللي فرحتا قنطار
ربّت إبن بيشرّف البلدان
وقالت يا إبني لو زمانك جار
إياك تنسى موطنك لبنان
ـ4ـ
عرس المحبه حقّق الأحلام
وجمّع إيلي مع مارِيان
يا رب دخلك زيّن الإيام
وكبّر العيله بنات مع صبيان
وطفل الوطن بسرير دافي ينام
الحروب عم بتشلّع البنيان
انشالله بتفرج ع شعب منضام
وأرزة بلادي تفرح من جديد
ونرجع بإذن الرب ع الأوطان
**